Situata te Milani nuk është nga më të mirat, çka e tregojnë qartë edhe shifrat e kuqezinjve në këtë fillimsezoni, që lidhen jo vetëm me paraqitjet në fushë, por edhe me problemet e shumta që duhen zgjidhur në brendësi të skuadrës. Për këtë arsye, ja disa nga shifrat që paraqet media
italiane mbi kuqezinjtë.
1 - "Djalli" ka një pikë më pak në kampionat sesa në sezonin e kaluar. Ndërsa vjet kishte grumbulluar 6 pikë pas 5 ndeshjeve të para (humbte me Sampdorian, fitonte me Bolonjën, humbte me Atalantën e Udinezen dhe fitonte me Kaljarin) sivjet ata numërojnë 5 pikë (humbën me Veronën, fituan me Cagliarin, barazuan me Torinon, humbën me Napolin dhe barazuan me Bolongna-n).
2 - Kundrejt një viti më parë, Milani ka tri pikë më shumë diferencë nga zona Champions. Nëse një vit më parë distanca nga pozicioni i tretë ishte 5 pikë,sivjet ai është rritur në -8 pikë, duke treguar jo vetëm se gjendja e skuadrës është më e dobët, por në të njëjtën kohë edhe lufta për zonën Champions është bërë më e madhe.
3 - 0 është golavarazhi aktual i Milanit në renditje, një tjetër shifër e frikshme, duke llogaritur 10 gola të shënuar dhe 10 të pësuar. Ndërkohë, vjet skuadra e Allegrit kishte një golavarazh pozitiv, edhe pse me një pikë më pak se sivjet, me 6 gola të shënuar dhe 5 të pësuar.
4 - Asnjëherë Robinho nuk kishte shënuar gol në 5 ndeshjet e para të kampionatit, në tri vitet e tij në Serie A. Ndërsa sivjet, ai ka mundur të realizojë dy herë.
5 - 8 vite kishte që Milanit i mungonte barazimi 3-3 në kampionat. Hera e fundit ishte 20 maji i vitit 2005, në një Milan-Palermo. Ndërsa, kundërBolognas, “Djalli” e pat përsëritur këtë rezultat 13 vite më parë (sezoni 2000-2001), kur në “San Siro” milanisti Luigi Sala shmangte humbjen në sekondën e fundit të takimit.
6 - Mund të jetë një rastësi, por Andrea Poli duket se përbën një mallkim për Milanin. Sa herë që mesfushori kuqezi shënon gol, skuadra e tij përmbyset me të paktën dy gola. Kjo gjë ndodhi sivjet në debutim kundër Hellas Verona dhe dy ditë më parë kundër Bolognas.
0 comments:
Post a Comment