Mesfushori i Milan, Ricardo Montolivo, i ka idetë e qarta për sa i përket sezonit që vjen. Pavarësisht se dje trajneri Massimiliano Allegri i ka dhënë një ditë pushim ekipit kuqezi, Montolivo është parë në Milanelo duke zhvilluar një stërvitje të diferencuar.
“Lodhja në kupën e konfederatave ka bërë të vetën, si rrjedhojë kam vendosur që të stërvitem për të mos mbetur mbrapa shokëve”, ka thënë mesfushori për Milan Channel.
Montolivo është i mendimit se Milani mund të thotë fjalën e vet në kampionat, pavarësisht se Juventusi mbetet një pretendent serioz për titull: “Juventusi është përforcuar mjaft, megjithatë edhe ne jemi pretendentë për titull, mjafton të mos përsëritim gabimet që bëmë vjet në fillim të kampionatit”.
0 comments:
Post a Comment